პუტინის მოკავშირე ორბანი თბილისში ჩამოვიდა - მისი თვითმფრინავი თბილისის საერთაშორისო აეროპორტში რამდენიმე წუთის წინ დაეშვა.
პრორუს ორბანს აეროპორტში საქართველოს პირველი ვიცე-პრემიერი, ლევან დავითაშვილი, საქართველოში უნგრეთის ელჩი და სხვა ოფიციალური პირები დახვდნენ.
მანამდე, მთავრობის ადმინისტრაციამ გაავრცელა ინფორმაცია, რომ 29 ოქტომბერს მთავრობის ადმინისტრაციაში ორბანის დახვედრის ოფიციალური ცერემონია გაიმართება. მათივე ცნობით, უნგრელ კოლეგას ირაკლი კობახიძე უმასპინძლებს.
