რა უნდა ვიცოდეთ ამერიკის შეერთებული შტატების საპრეზიდენტო არჩევნების შესახებ - ამ სათაურით ვრცელ სტატიას "ამერიკის ხმა" აქვეყნებს და წერს, რომ 5 ნოემბრის არჩევნების ბედს მოსახლეობის მცირე ნაწილი, სულ რამდენიმე შტატი განსაზღვრავს, რადგან, მათი თქმით, რეალური ბრძოლა შტატის მხარდაჭერის მოპოვებისთვის 50-დან მხოლოდ შვიდში მიმდინარეობს: "დანარჩენი ყველა კომფორტულად დემოკრატიული ან რესპუბლიკურია, საზოგადოებრივი აზრის გამოკითხვების მიხედვით".
"ამ შვიდ ბრძოლის ველს შორის, ყველაზე დასახლებული, პენსილვანია, გამოირჩევა, როგორც ყველაზე სავარაუდო შტატი, რომელიც განსაზღვრავს, ვინ გახდება, დემოკრატი კამალა ჰარისი თუ რესპუბლიკელი დონალდ ტრამპი მომავალი პრეზიდენტი.
კანდიდატების სტრატეგიები ასახავს ამ რეალობას. მათი სარეკლამო ხარჯებისა და კამპანიის ღონისძიებების აბსოლუტური უმრავლესობა მიმართულია იმ შვიდ შტატზე, რომლებიც პოლიტიკურ პარტიებს შორის მოძრაობენ.
რატომ არ წყვეტს არჩევნებს მთელი ქვეყნის მასშტაბით ხალხის ხმა?
სხვა ფედერალური კანდიდატებისა და შტატის არჩევნებისგან განსხვავებით, საპრეზიდენტო კონკურსი არ ემყარება მხოლოდ სახალხო ხმებს. ამის ნაცვლად, საარჩევნო კოლეგიის სახელით ცნობილი სისტემის მიხედვით, გამარჯვებული კანდიდატი თითოეულ შტატში, ისევე როგორც ვაშინგტონში, იღებს ამ შტატის საარჩევნო ხმებს, რომლებიც ძირითადად ეფუძნება მოსახლეობის რაოდენობას.
კანდიდატმა უნდა მოიპოვოს ქვეყნის 538 საარჩევნო კოლეგიის ხმების უმრავლესობა, ანუ 270, რაც შესაძლებელია მთლიანი ეროვნული ხმების არ მიღების შემთხვევაშიც, როგორც ეს მოხდა ტრამპის 2016 წლის არჩევნების დროს.
269-269 თანაბარი შედეგის შემთხვევაში, აშშ-ს წარმომადგენელთა პალატა ირჩევს გამარჯვებულს, თითოეული შტატის წარმომადგენელი მიიღებს ერთ ხმას - სცენარი, რომელიც ანალიტიკოსების აზრით, სავარაუდოდ უპირატესობას ანიჭებს ყოფილ პრეზიდენტ ტრამპს.
თუ გადაუწყვეტელი შტატების გარდა ყველა შტატში ხმას ისე მიიღებს, როგორც მოსალოდნელია, ეს მისცემს ვიცე-პრეზიდენტ ჰარისს 226 საარჩევნო კოლეგიის ხმას, ხოლო ტრამპს 219-ს, დანარჩენი 93, გაურკვეველია.
რომელი შტატებია გადაუწყვეტელი?
არის შვიდი შტატი, რომლებიც 5 ნოემბერს შეიძლება ორივე მიმართულებით წავიდეს: მიჩიგანი, პენსილვანია, ვისკონსინი, არიზონა, ჯორჯია, ნევადა და ჩრდილოეთ კაროლინა.
რამდენად ახლოა ეს არჩევნები?
16 ოქტომბრის მდგომარეობით, New York Times-ის საზოგადოებრივი გამოკითხვის თანახმად, შვიდივე შტატში ბრძოლა ძალზედ ახლოსაა. ტრამპს არიზონაში მცირე 2-პროცენტიანი უპირატესობა აქვს, დანარჩენ ექვს გადაუწყვეტელი შტატში, რბოლა ახლოსაა.
რატომ არის პენსილვანია ასე მნიშვნელოვანი?
უმარტივესი პასუხია ის, რომ შტატს აქვს 19 საარჩევნო კოლეგიის ხმა, მეტი ვიდრე ნებისმიერ სხვა გადაუწყვეტელ შტატს.
პენსილვანია საყოველთაოდ განიხილება, როგორც კრიტიკული, ჰარისის ან ტრამპის გამარჯვების შანსებისთვის და ითვლება ყველაზე „გადამწყვეტ” შტატად.
თუ ჰარისი დაკარგავს პენსილვანიას, მან უნდა მოიპოვოს ჩრდილოეთ კაროლინის ან ჯორჯიას მხარდაჭერა. ამ ორი შტატში, სულ სამჯერ მისცეს ხმა დემოკრატიულ პარტიას ბოლო ოთხი ათწლეულის განმავლობაში.
პირიქით, თუ ტრამპი პენსილვანიას დაკარგავს, მას მოუწევს ვისკონსინის ან მიჩიგანის მოგება, რომლებმაც 1980-იანი წლებიდან მხოლოდ ერთხელ მისცეს ხმა რესპუბლიკელებს - რვა წლის წინ ტრამპს.
ორივე კამპანია განიხილავს პენსილვანიას, როგორც ყველაზე მნიშვნელოვან შტატს, სადაც ჰარისი და ტრამპი უფრო მეტ დროს ატარებენ, ვიდრე ნებისმიერ სხვაში.
სადამკვირვებლო კომპანია AdImpact-ის თანახმად, პენსილვანიაში კამპანიებმა და მათმა მოკავშირეებმა საარჩევნოდ 279,3 მილიონი დოლარი დახარჯეს, სამაუწყებლო რეკლამებში 7 ოქტომბრის ჩათვლით, რაც 75 მილიონი დოლარით უსწრებს მეორე ადგილზე მყოფ მიჩიგანს.
რატომ იქცევს ამდენ ყურადღებას ერთი უბანი ნებრასკაში?
ორმოცდარვა შტატი საარჩევნო კოლეგიის ხმებს გამარჯვებულს ანიჭებს, მაგრამ ორი შტატი, ნებრასკა და მეინი, თითო საარჩევნო ხმას ანიჭებს გამარჯვებულს კონგრესის თითოეულ ოლქში. 2020 წელს ბაიდენმა მოიპოვა ნებრასკას ხუთი ხმიდან ერთი, ხოლო ტრამპმა მიიღო მეინის ოთხი ხმიდან ერთი.
ნებრასკას მე-2 კონგრესის ოლქი, რომელიც მოიცავს ომაჰას და მის შემოგარენს, განიხილება, როგორც კონკურენტუნარიანი, თუმცა დამოუკიდებელი ანალიტიკოსები ამბობენ, რომ ის მხარს დაუჭერს ჰარისს. ორივე მხარემ მილიონობით დოლარი დახარჯა ომაჰას ბაზარზე რეკლამის გასაშვებად.
ეს მარტოხელა ხმა შეიძლება გადამწყვეტი იყოს. თუ ჰარისი მოიგებს მიჩიგანს, პენსილვანიას და ვისკონსინს, ხოლო ტრამპი მოიპოვებს დანარჩენი ოთხი შტატის მხარდაჭერას, ნებრასკის მე-2 ოლქი განსაზღვრავს, არჩევნები ფრით დასრულდება თუ ჰარისი გაიმარჯვებ", - ნათქვამია "ამერიკის ხმის" სტატიაში.
