აშშ-ში, სამხრეთ კალიფორნიაში, ხანძარი მძვინვარებს. ცეცხლმა, 24 საათზე ნაკლებ დროში, 14,500 ჰექტარი გაანადგურა.
ადგილობრივი ხელისუფლების ინფორმაციით, ხანძრის მასშტაბურობიდან გამომდინარე, ის უკონტროლოა და ამ ეტაპისთვის, მეხანძრე-მაშველებმა ვერცერთი კერის ლოკალიზება შეძლეს.
ხანძარი მთიან მასივში უჩვეულოდ მაღალი ტემპერატურისა და ძლიერი ქარის შედეგად გაჩნდა, რომელიც უკვე დასახლებულ პუნქტებსაც მოედო. დამწვარია საცხოვრებელი სახლები და ავტომობილები, რეგიონიდან ევაკუირებულია ათასობით ადამიანი.
ამინდის ეროვნულმა ბიურომ, ვენტურასა და ლოს-ანჯელესის ოლქში განგაშის წითელი სიგნალი აამოქმედა, რომელიც ძალაში, სულ მცირე, პარასკევის დილამდე დარჩება.
