აშშ-ის ეროვნული დაზვერვის დირექტორის თანამდებობაზე ტრამპმა ტულსი გაბარდი დაასახელა

აშშ-ის ეროვნული დაზვერვის დირექტორის პოსტზე ტრამპმა წარმომადგენელთა პალატის ყოფილი წევრი ჰავაის შტატიდან, ტულსი გაბარდი წარადგინა. ის ადრე დემოკრატიული პარტიის წევრი იყო და 2020 წლის საპრეზიდენტო კამპანიაში მონაწილეობდა, მაგრამ შემდეგ რესპუბლიკელების მხარდაჭერა დაიწყო. გაბარდი დაეხმარა ტრამპს 2024 წელს ჰარისის წინააღმდეგ დებატების მომზადებაში.

ტულსი გაბარდი 43 წლისაა, ის ამერიკის სამოას ტერიტორიაზე დაიბადა, გაიზარდა ჰავაიზე და ბავშვობის ერთი წელი გაატარა ფილიპინებში. პირველად ის წარმომადგენლობით პალატაში 21 წლის ასაკში აირჩიეს, თუმცა ერთი ვადის შემდეგ თანამდებობა დატოვა.

მოგვიანებით იგი კონგრესში აირჩიეს ჰავაის წარმომადგენლად. როგორც წარმომადგენელთა პალატის პირველმა ინდუისტმა წევრმა, გაბარდმა ფიცი დადო ბჰაგავად გიტაზე, ინდუისტურ რელიგიურ ნაწარმოებზე. ის ასევე იყო პირველი სამოელი ამერიკელი, რომელიც აირჩიეს კონგრესში.

გაბარდი ორ ათეულ წელზე მეტი ხნის განმავლობაში მსახურობდა არმიის ეროვნულ გვარდიაში, გაგზავნილი იყო ერაყსა და ქუვეითში. მან მიიღო საბრძოლო სამედიცინო სამკერდე ნიშანი 2005 წელს

გაბარდი დაქორწინებულია კინემატოგრაფისტ აბრაამ უილიამსზე.

ეროვნული დაზვერვის დირექტორის ოფისი შეიქმნა 2004 წელს, როგორც 2001 წლის 11 სექტემბრის თავდასხმების შემდეგ აშშ-ს დაზვერვაში განხორციელებული ცვლილებების ნაწილი. კანონმდებლები იმედოვნებდნენ, რომ ახალი ოფისი უწყებათაშორისი თანამშრომლობის გამარტივებით თავიდან აიცილებდა დაზვერვის წარუმატებლობას.