აშშ-ის ახლადარჩეული პრეზიდენტი დონალდ ტრამპი და სომხეთის პრემიერმინისტრი ნიკოლ ფაშინიანი ერთმანეთს ტელეფონით ესაუბრნენ - სომხური მედიის ინფორმაციით, რომელსაც ის პრემიერმინისტრის აპარატზე დაყრდნობით ავრცელებს, მხარეებს შორის საუბარი სომხეთსა და აშშ-ს შორის არსებულ ურთიერთობებს შეეხო, ასევე, განიხილეს რეგიონულ დღის წესრიგთან დაკავშირებული საკითხები.
მედია წერს იმასაც, რომ ფაშინიანმა ტრამპს არჩევნებში გამარჯვებაც მიულოცა.
ცნობისთვის, დონალდ ტრამპის ინაუგურაცია 20 იანვარს გაიმართება.
