"შემდეგი 24 საათი აქ ვართ და ვაგრძელებთ ბრძოლას დიდ გამარჯვებამდე" | ვაშაძის მიმართვა უწყვეტ აქციაზე
გამოქვეყნდა:
"ვრჩებით აქ. შემდეგი 24 საათი აქ ვართ და ვაგრძელებთ ბრძოლას დიდ გამარჯვებამდე", - ამის შესახებ რამდენიმე წუთის წინ "ერთიანობა ნაციონალური მოძრაობის" ერთ-ერთმა ლიდერმა, გიორგი ვაშაძემ განაცხადა და აქციის მონაწილეებს მიმართა.
"სრულად ვიზიარებთ პრეზიდენტის პოზიციას. არჩევნებს არა აქვს აღიარება არც ქვეყნის შიგნით, არც ქვეყნის გარეთ, არც ოპოზიციის მხრიდან, არც პრეზიდენტის მხრიდან და დღეს, საქართველოს აბსოლუტურად თვითმარქვია ადამიანები მართავენ. ამიტომ ჩვენი ბრძოლა იქნება ბოლომდე, რომ გაიმარჯვოთ თქვენ - ქართველმა ხალხმა და იცოდეთ, რომ ყოველთვის ყველა ნაბიჯს ძალიან დიდი პასუხისმგებლობით მოვეკიდებით", - განაცხად ვაშაძემ.
შეგახსენებთ, რომ პროდასავლური ოპოზიციის ლიდერებმა ცოტა ხნის წინ თსუ-სთან უწყვეტი პროტესტის გაგრძელების შესახებ განაცხადეს.
