პაკისტანში, შეიარაღებულმა დაჯგუფებამ სამგზავრო ავტომობილებს ცეცხლი გაუხსნა | დაიღუპა 38 და დაშავდა 29 ადამიანი
გამოქვეყნდა:
ჩრდილოეთ პაკისტანში, პროვინცია ხაიბერ-პახტუნხვაში, შეიარაღებულმა დაჯგუფებამ სამგზავრო ავტომობილებს ცეცხლი გაუხსნა, რის შედეგადაც, სულ მცირე, დაიღუპა 38 და დაშავდა 29 ადამიანი.
"ეს დიდი ტრაგედიაა და დაღუპულთა რიცხვი სავარაუდოდ გაიზრდება", - განაცხადა ხაიბერ-პახტუნხვას მთავარმა მდივანმა, ნადიმ ასლამ ჩოდრიმა.
მისივე ინფორმაციით, შემთხვევა ტომებით დასახლებულ კურამის რაიონში მოხდა.
მომხდარზე პასუხისმგებლობა ჯერჯერობით არცერთ დაჯგუფებას არ აუღია.
