Reuters: ისრაელის უსაფრთხოების კაბინეტმა ლიბანში ცეცხლის შეწყვეტის შესახებ შეთანხმება დაამტკიცა
გამოქვეყნდა:
ისრაელის უსაფრთხოების კაბინეტმა ლიბანში ცეცხლის შეწყვეტის შესახებ შეთანხმება დაამტკიცა, - ამის შესახებ ინფორმაციას Reuters-ი ავრცელებს.
შეთანხმების ფარგლებში ისრაელსა და "ჰეზბოლას" ტერორისტულ ორგანიზაციას შორის ბრძოლა, სავარაუდოდ, შეწყდება.
როგორც გამოცემა წერს, შეთანხმება ხვალიდან შევა ძალაში.
მედია იუწყება, რომ აღნიშნულთან დაკავშირებით განცხადებას გააკეთებს ისრაელის პრემიერ-მინისტრი ბენიამინ ნეთანიაჰუ.
ამასთან, თეთრი სახლის ცნობით, ამ თემაზე აშშ-ის პრეზიდენტი ჯო ბაიდენი რამდენიმე საათში სიტყვით გამოვა.
