საქართველოს სხვადასხვა ქალაქში დაგეგმილი საპროტესტო აქციების განრიგი | განახლებადი სტატია

არალეგიტიმური ხელისუფლების მიერ მიღებულ ანტიევროპულ გადაწყვეტილებას, რაც დღის წესრიგიდან ევროინტეგრაციის ამოღებას გულისხმობს, დღეს მორიგ ჯერზე დედაქალაქთან ერთად რეგიონებშიც გააპროტესტებენ.

საქართველოს ქალაქების უმრავლესობაში დღის განმავლობაში  საპროტესტო აქციებია დაგეგმილი.

• სამეგრელო-ზემო სვანეთის სამხარეო ადმინისტრაციის შენობასთან გაიმართება საპროტესტო აქცია ზუგდიდში, რომელიც 17:00 საათზე დაიწყება.
• ქუთაისში დღეს ორი საპროტესტო აქცია ჩაინიშნა. აქციის მონაწილეები 16:00 საათზე პარლამენტის ყოფილი შენობიდან ავტო-კოლონებით მსვლელობას მოაწყობენ, 18:00 საათზე კი ქუთაისის მერიასთან შეიკრიბებიან.
•  საპროტესტო აქცია ისევ გაიმართება ხაშურში, მოქალაქეები ხაშურის მერიის წინ 13:00 საათიდან შეიკრიბებიან.
• მორიგი აქცია გაიმართება 17:00 საათზე გორის ცენტრალურ მოედანზე.
• 14:00 საათზეა დაგეგმილი აქცია საჩხერეში კულტურის სახლი წინ.
• ​​​​​​ ახმეტაში კი საპროტესტო აქციის მონაწილეები მერიასთან 16:00 საათზე შეიკრიბებიან.
• 14:00 საათზე გაიმართება აქცია ოზურგეთში თეატრის წინ.
• ბათუმში საპროტესტო აქციის მონაწილეები 17:00 საათზე შეიკრიბებიან ევროპის მოედანზე.
• 17:00 საათზე გაიმართება საპროტესტო აქცია ფოთში, ნაბადას უბანში 201 ქარხნის შესახვევთან.

სტატია განახლებადია