"ჩვენი ადგილი ევროპაშია და არ ვაპირებთ რუსეთში ცხოვრებას" | სოხუმის უნივერსიტეტის სტუდენტების პროტესტი
გამოქვეყნდა:
სოხუმის სახელმწიფო უნივერსიტეტის სტუდენტები არალეგიტიმური ხელისუფლების გადაწყვეტილებას ემიჯნებიან. განცხადებას, რომელსაც 150-ზე მეტი სტუდენტი აწერს ხელს ნათქამია, რომ ყველა ის ადამიანი ან უწყება, რომელიც ეწინააღმდეგება ქართველი ხალხის სურვილს, გახდეს ევროკავშირის სრულუფლებიანი წევრი ქვეყანა, მოღალატეები არიან ერის წინაშე.
"სოხუმის სახელმწიფო უნივერსიტეტის აქტიური სტატუსის მქონე სტუდენტები ვემიჯნებით საქართველოს რუსული მთავრობის რუსულ გადაწყვეტილებას! ვფიქრობთ, რომ ეს არის საქართველოს კონსტიტუციის 78-ე მუხლის დარღვევა. ჩვენი ადგილი ევროპაშია და არ ვაპირებთ რუსეთში ცხოვრებას.
ვფიქრობთ, რომ ყველა ის ადამიანი ან უწყება, რომელიც ეწინააღმდეგება ქართველი ხალხის სურვილს, გახდეს ევროკავშირის სრულუფლებიანი წევრი ქვეყანა, მოღალატეები არიან ერის წინაშე. ამრიგად, სოხუმის სახელმწიფო უნივერსიტეტის ადმინისტრაციასა და რექტორს ბატონ ზურაბ ხონელიძეს მოვუწოდებთ გააკეთოს განცხადება და დადგეს ისტორიის სწორ მხარეს! ჩვენ არ ვაპირებთ აუდიტორიებში სიარულს და მოვითხოვთ უნივერსიტეტმა შეაჩეროს სასწავლო პროცესი!" - ნათქვამია განცხადებაში.
