"მოითხოვეთ ანაზღაურებადი შვებულება და დრო გამოიყენეთ საერთო წინააღმდეგობის მოძრაობაში" | პროდასავლური პარტიები მოქალაქეებს
გამოქვეყნდა:
მოგიწოდებთ საქართველოს მოქალაქეებს: მოითხოვეთ შრომის კოდექსით უზრუნველყოფილი ანაზღაურებადი შვებულება, - ამის შესახებ პროდასავლური ოპოზიციური პარტიების განცხადებაშია საუბარი.
"2024 წლის 26 ოქტომბრის არჩევნებში გამარჯვებული პოლიტიკური პარტიები
მოგიწოდებთ საქართველოს მოქალაქეებს: მოითხოვეთ შრომის კოდექსით უზრუნველყოფილი ანაზღაურებადი შვებულება და თქვენი თავისუფალი დრო გამოიყენეთ საერთო, ეროვნული წინააღმდეგობის მოძრაობაში.
ქართულ კომპანიებს, რომლებისთვისაც ძვირფასია საქართველოს თავისუფლება, დამოუკიდებლობა და დემოკრატია: გთხოვთ დაუბრკოლებლად გაეცით ასეთი შვებულებები ამ გადამწყვეტ დღეებში და ამით, მხარი დაუჭირეთ თანამოქალაქეების მშვიდობიან ბრძოლას საქართველოს ევროპული მომავლისათვის.
ჩვენი ბრძოლა სამართლიანია და მასში აუცილებლად გავიმარჯვებთ!, - ნათქვამია განცხადებაში.
