აქამდე ვადგენთ ზურა ჯაფარიძის ადგილსამყოფელს...კოალიცია ამაზე განცხადებას გავაკეთებთ და იმგვარად ვიმოქმედებთ, როგორც ჩვეულებრივ მოიქცეოდა პარტია მისი ლიდერის დაკავების შემთხვევაში | ნიკა გვარამია
გამოქვეყნდა:
ზურაბ გირჩი ჯაფარიძის ადგილსამყოფელი ამ დრომდე უცნობია. ინფორმაციას კოალიცია ცვლილებისთვის ლიდერი, ნიკა გვარამია ავრცელებს:
ყველამ გაიგეთ, ალბათ, რომ უამრავ სხვადასხვა ასაკის პატრიოტთან ერთად, ჩვენი ლიდერი ზურა ჯაფარიძეც დააკავეს. აქამდე ვადგენთ მის ადგილსამყოფელს. კოალიცია ამაზე განცხადებას გავაკეთებთ და იმგვარად ვიმოქმედებთ, როგორც ჩვეულებრივ მოიქცეოდა პარტია მისი ლიდერის დაკავების შემთხვევაში.
მაგრამ აქვე ვიტყვი, რომ პოლიტიკოსებმა ვიცით, რა ბრძოლაშიც ვართ ჩართულნი და ვის ვებრძვით. ამიტომაც, ყველანი მზად ვართ, მათ შორის, დაკავებისთვის და ნებისმიერი სხვა ფორმის უკანონობისთვის. ცხადია, ასეა ზურაც.
კოალიციაში ვინარჩუნებთ სიმტკიცეს და ვცდილობთ დავეხმაროთ ყველა დაკავებულ პატრიოტს. ანუ ვიქცევით ისე, როგორც თავად ზურა იქცევა ამგვარ ვითარებებში.
ყველაფერი კარგად იქნება! საქართველო გაიმარჯვებს!" წერს ნიკა გვარამია.
ზურაბ გირჩი ჯაფარიძე ჭავჭავაძის გამზირზე დილით დააკავეს.
