"[ივანიშვილის] პასუხისმგებლობაა დააბრუნოს რეჟიმი არაძალადობრივ მდგომარეობაში... ჩემი პასუხისმგებლობაა წავიყვანო ეს ქვეყანა ახალ არჩევნებამდე" | პრეზიდენტი
გამოქვეყნდა:
ივანიშვილის პასუხისმგებლობაა დააბრუნოს მისი რეჟიმი არაძალადობრივ მდგომარეობაში... ჩემი პასუხისმგებლობაა ავიყვანო ეს ქვეყანა ახალ არჩევნებამდე, - ამის შესახებ საქართველოს პრეზიდენტმა, სალომე ზურაბიშვილმა ბრიფინგზე განაცხადა.
"ჩვენ უნდა მოვნახოთ გამოსავალი ამ ქვეყნისთვის, რომელიც იქნება მშვიდობიანი გამოსავალი. მისი [ბიძინა ივანიშვილის] პასუხისმგებლობა არის, რომ დააბრუნოს მისი რეჟიმი არაძალადობრივ მდგომარეობაში, ხალხს მოუსმინოს. ჩემი პასუხისმგებლობა არის, რომ წავიყვანო ეს ქვეყანა ახალ არჩევნებამდე, რომელიც ლეგიტიმურად აირჩევს თავის ხვალინდელ ხელისუფლებას," - განაცხადა პრეზიდენტმა.
