მომიტინგეების და ჟურნალისტების მიმართ ძალადობა და პოლიტიკოსების დაკავება მიუღებელია. ნიდერლანდები მოუწოდებს EU-ს, შეაჩეროს საქართველოსთან უვიზო მიმოსვლა | საგარეო
გამოქვეყნდა:
ნიდერლანდების სამეფოს საგარეო საქმეთა მინისტრი საქართველოში განვითარებულ მოვლენებს ეხმაურება. მინისტრი წერს, რომ მომიტინგეების მიმართ ძალადობისა და პოლიტიკოსების დაკავებების გამო, ნიდერლანდები ევროკავშირს საქართველოსთან უვიზო მიმოსვლის შეჩერებისკენ მოუწოდებს:
"საქართველოში მომიტინგეების და ჟურნალისტების მიმართ ძალადობა და პოლიტიკოსების დაკავება მიუღებელია. სწორედ ამიტომ, ნიდერლანდები მოუწოდებს ევროკავშირს, შეაჩეროს საქართველოსთან უვიზო მიმოსვლის შესახებ ხელშეკრულებები. კარგია, რომ ბალტიისპირეთის ქვეყნებმა უკვე დააწესეს ინდივიდუალური შესვლის აკრძალვები. " წერს ნიდერლანდების საგარეო საქმეთა მინისტრი.
