მედია ტერორისა და რეპრესიების წინააღმდეგ | საპროტესტო აქცია ბათუმში ევროპის მოედანზე გაიმართება
გამოქვეყნდა:
მედია ტერორისა და რეპრესიების წინააღმდეგ - ჟურნალისტების მიმართ განხორციელებულ ძალადობას დღეს ბათუმშიც გააპროტესტებენ. მედიის წარმომადგენლები დღეს 8 დეკემბერს 15:00 საათზე ევროპის მოედანზე შეიკრიბებიან.
მე-11 დღეა საქართველოში არალეგიტიმური ხელისუფლების ანტიევროპულ და ძალადობრივ პოლიტიკას აპროტესტებენ. პროტესტმა მოიცვა თბილისი და რეგიონები. ივანიშვილის სპეცრაზმი საპროტესტო აქციის მონაწილეებს ძალადობრივად უსწორდება. დაკავებულია ასეულობით მომიტინგე. ოლიგარქის სასამართლოში კი ყოველდღიურად ათობით პროცესი იმართება. ძალადობრივი პოლიტიკის ერთ-ერთ მთავარ სამიზნედ იქცა მედია. ნაცემი და დაშავებულია ათეულობით ჟურნალისტი და ოპერატორი. რამდენიმე მათგანმა მძიმე დაზიანებები მიიღო. ბოლო შემთხვევა კი 7 დეკემბერს, ღამით თბილისის ცენტრში, ბესიკის ქუჩაზე მოხდა, TV პირველის ჟურნალისტ მაკა ჩიხლაძეს და ოპერატორ გიორგი შეწირულს პროფესიული საქმიანობის შესრულებისას შავებში ჩაცმული, ნიღბიანი უცნობი პირები პირდაპირ ეთერში დაესხნენ თავს და ფიზიკურად გაუსწორდნენ.
