"სოლიდარობას ვუცხადებთ ყველა კოლეგას... ხელისუფლება იყენებს ძალადობას თავისუფალი მედიის გასანადგურებლად" | ონლაინ მედია ორგანიზაციების ერთობლივი განცხადება
გამოქვეყნდა:
"სოლიდარობას ვუცხადებთ ჩვენს ყველა კოლეგას... ხელისუფლება იყენებს ძალადობას თავისუფალი მედიის გასანადგურებლად", - ამის შესახებ საერთო განცხადებას საქართველოში მოქმედი ონლაინ მედია ორგანიზაციები ავრცელებენ.
"ჩვენ, საქართველოში მოქმედი ონლაინ მედია ორგანიზაციები, ერთხმად და სასტიკად ვგმობთ ჟურნალისტების წინააღმდეგ განხორციელებულ წამებას, ძალადობას, შევიწროებასა და დაშინებას.
- ბოლო დღეების განმავლობაში მიზანმიმართული თავდასხმები განხორციელდა ტელევიზიებისა და ონლაინ მედიების წარმომადგენლებზე.
- ჟურნალისტური მოვალეობის შესრულებისას სასტიკად გაუსწორდნენ და დააკავეს ჩვენი რამდენიმე კოლეგა, ზოგიერთის წინააღმდეგ კი გამოიყენეს ძალადობის უკიდურესი ფორმა, რომელიც კვალიფიცირდება წამებად.
- თავდასხმები უმთავრესად ორგანიზებული იყო ფორმალური საპოლიციო ძალების მიერ, მაგრამ ვნახეთ შემთხვევები, როცა არაფორმალური მარბიელი ჯგუფების მიერ ჟურნალისტზე ძალადობას პოლიცია თავხედური უმოქმედობით ადევნებდა თვალს.
- ხელისუფლება იყენებს ძალადობას თავისუფალი მედიის გასანადგურებლად.
- სოლიდარობას ვუცხადებთ ჩვენს ყველა კოლეგას, ვისზეც იძალადეს და მათ, ვინც, შექმნილი პირობების მიუხედავად დიდწილად დაუცველი აგრძელებს მუშაობას, პირადი ჯანმრთელობისა და უსაფრთხოების რისკის ფასად.
- მოვუწოდებთ ყველა სახელმწიფო თუ არასახელმწიფო ინსტიტუტს, ადგილობრივ და საერთაშორისო საზოგადოებას, წვლილი შეიტანონ მედიის თავისუფლების დაცვაში და დაგვეხმარონ მოძალადეთა პასუხისგებაში მიცემაში", - წერია განცხადებაში.
ხელმომწერი მედიები:
პუბლიკა • Publika
Chai Khana
Entrepreneur Georgia
კახეთის ხმა / knews.ge
სამხრეთის კარიბჭე / Sknews.ge
რადიო "მარნეული" / "Marneuli" radiosu
News Agency ExpressNews - ექსპრესნიუსი
OC Media
BMG • ბიემჯი
Tabula - ტაბულა
ფლანგვის დეტექტორი
მაუწყებელი • Mautskebeli
აი, ფაქტი • ifact.ge
აპრილი • Aprili
Accent - აქცენტი
პროექტი 64
საგამოძიებო მედია ლაბი (IML)
