"კანდიდატად დასახელების მერე, გააქრეს. თუ ასე გეამაყებათ, სად გადამალეთ მზეთუნახავი"? | ვაშაძე ყაველაშვილზე
გამოქვეყნდა:
[აირჩევენ] უდიპლომო პრეზიდენტს, რომელიც კანდიდატად დასახელების მერე, გააქრეს. თუ ასე ეამაყებათ, თუ ასეთი მაგარი პიროვნებაა და თუ ასეთი დიდი მხარდაჭერა აქვს, რატომ დამალეს ეს კაცი, სად გადამალეთ მზეთუნახავი? გამოიყვანეთ - ამბობს "ერთიანობა ნაციონალური მოძრაობის" ერთ-ერთი ლიდერი გიორგი ვაშაძე, რომელიც პარლამენტთან მიმდინარე აქციაზე იმყოფება.
რამდენიმე წუთში, არალეგიტიმური პარლამენტი, არალეგიტიმური პრეზიდენტის "არჩევნებს" დაიწყებს, სადაც მხოლოდ ერთი კანდიდატია - ივანიშვილის მიერ დასახელებული მიხეილ ყაველაშვილი.
საკანონმდებლო ორგანოსთან გაძლიერებულია საპოლიციო ძალები.
