ელექტროენერგია 7 საათიდან გამორთული იყო - მეპატრონეები ელიავას ბაზრობის ხანძარზე
გამოქვეყნდა:
ელიავას ბაზრობაზე გაჩენილ ხანძარში მეპატრონეები ელექტროენერგიის ფაქტორს გამორიცხავენ. როგორც ისინი ამბობენ, საღამოს 7 საათისთვის ბაზრობის მთელს ტერიტორიაზე ელექტოენერგია უკვე გამორთული იყო და აალება, სავარაუდოდ, სიგრეტის ნამწვიდან გაჩნდა.
7 საათის შემდეგ, როდესაც ელექტოენერგია ითიშება, არავის აქვს უფლება, იყოს ბაზრობის ჩაკეტილ ტერიტორიაზე - იქ მხოლოდ დაცვა რჩება. ამბობენ, რომ სიგარეტის ნამწვით გაჩნდა ხანძარი. ელექტოგაყვანილობა ახალი შეცვლილი იყო - გამორიცხულია, მას გამოეწვია აალება, - ამბობს ერთ-ერთი მეპატრონე.
აქვე, ელიავას ბაზრობაზე ხანძარი 29 სექტემბერს, დაახლოებით ღამის 4 საათისთვის გაჩნდა. ხანძრის ლოკალიზება მალევე მოხერხდა. დილით კი საგანგებო სიტუაციების მართვის სამსახურში თქვეს, რომ ხანძარი ლიკვიდირებულია.
