მოსკოვში და მის მახლობლად მდებარე 5 აეროპორტი დაიხურა. ამის შესახებ ინფორმაციას რუსეთის საჰაერო ტრანსპორტის ფედერალური სააგენტო (როსავიაცია) ავრცელებს.
როსავიაციის განცხადებით, "ფრენის უსაფრთხოების უზრუნველსაყოფად" რეისების მიღება და გაფრენა შეჩერებულია, ხოლო აეროპორტის თანამშრომლები აუცილებელ ზომებს იღებენ.
"ფრენის უსაფრთხოების უზრუნველსაყოფად, შემოღებულ იქნა დროებითი შეზღუდვები შერემეტევოს, დომოდედოვოს, ვნუკოვოს, ჟუკოვსკის და კალუგის აეროპორტების მუშაობაზე," - ნათქვამია განცხადებაში.
