"თბილისი ცენტრალი, კაფე ლეილა, Golden Tulip, CHICOS, ზოომარტი" | ახალ არჩევნებსა და დაკავებულების გათავისუფლებას უკვე 2 400 კომპანია ითხოვს
გამოქვეყნდა:
თავისუფალი ბიზნესების განცხადებას ხელს უკვე 2 400 კომპანია აწერს.
განცხადებაში ბიზნესები ვითარების დეესკალაციისთვის ახალი არჩევნების ჩატარებასა და აქციებზე დაკავებულების გათავისუფლებას ითხოვენ.
"არსებული კრიზისი გასცდა პარტიული პოლიტიკის საზღვრებს, რაც გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების რაც შეიძლება სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების განმავლობაში დაპატიმრებული ადამიანების ახალ წლამდე განთავისუფლება. ჩვენ, ქართული ბიზნესის წარმომადგენლები, ვართ რა პასუხისმგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა ხელს ვაწერთ ამ მოწოდებას და განცხადებას", - წერია განცხადებაში.
ხელმომწერი ბიზნესების ნახვა შეგიძლიათ ვებგვერდზე.
