შემოწმებულია: "ოცნების" პროპაგანდისტული მედიისა და კრემლის მედიის კოორდინირებული შეტევა პრეზიდენტზე
გამოქვეყნდა:
ქართული პროპაგანდისტული მედია და კრემლის მედია ერთ ხმაში საქართველოს პროევროპული აქციებისა და სალომე ზურაბიშვილის წინააღმდეგ. პროპაგანდისტების სამიზნე ბოლო დღეებში პრეზიდენტის გამოსვლა იყო ევროპარლამენტში. სალომე ზურაბიშვილმა სადაც ევროპას ყველაზე მაღალი ტრიბუნიდან მიმართა, ქართველი ხალხის მხარდაჭერა სთხოვა და ქვეყანაში არსებულ პოლიტიკურ კრიზისზე დეტალური ინფორმაცია მიაწოდა, სამთავრობო მედია ამ ყველაფრის დისკრედიტაციას შეეცადა.
თბილისიდან აქტიურობდა "ოცნების" მედია და ფეისბუკ ჯგუფი “ანტი-მაიდანი!” - მოსკოვიდან კი ამ კამპანიაში მონაწილეობდნენ კრემლისტური წყაროები Комсомольская Правда, "რაშა თუდეი", РИА Новости და Вести.
ავტორი: დავით კობიძე
