"მსოფლიოს ადამიანია; მიიღო არა მხოლოდ საფეხბურთო გამოცდილება, გაიფართოვა თვალსაწიერი" | ყაველაშვილს გაზაევი ექომაგება
გამოქვეყნდა:
შემთხვევითი არ არის, ის არჩეული პრეზიდენტია. მიმაჩნია, რომ ეს არის ქვეყნისა და ხალხის დიდი ნდობა, რომელსაც, ეჭვი არ მეპარება, გაამართლებს - მიხეილ ყაველაშვილს მისი ყოფილი მწვრთნელი, რუსეთის დუმის ყოფილი დეპუტატი ვალერი გაზაევი პროპაგანდისტულ რუსულ მედიასთან აქებს და ამბობს, რომ პირველივე წვრთნიდან ჩანდა, რომ ყაველაშვილი "დიდ მიზნებსა და ამოცანებს ისახავდა".
"მნიშვნელოვანია აღინიშნოს, რომ ყაველაშვილი ყოველთვის იყო ძალიან პასუხისმგებლიანი და ამავე დროს ის არის, ასე დავარქვათ, მსოფლიოს ადამიანი: თბილისი, ვლადიკავკაზი, ინგლისი, შვეიცარია და მის ფარგლებს გარეთ. მან მიიღო არა მხოლოდ საფეხბურთო გამოცდილება, არამედ ცხოვრებისეული და კულტურული და გაიფართოვა თვალსაწიერი" ამბობს გაზაევი, რომელიც 1994-1999 წლებში საფეხბურთო კლუბი სპარტაკი-ალანიას მწვრთნელი იყო. ყაველაშვილი ვლადიკავკაზის ალანიაში 1994-1995 წლებში თამაშობდა.
