უკრაინულმა თვითმფრინავებმა სმოლენსკის ოლქის ქალაქ იარცევოში საწვავის საცავს დაარტყეს. ტელეგრამ არხებზე გავრცელებული ინფორმაციებით, იარცევოს მცხოვრებლებმა ათზე მეტი აფეთქების ხმა გაიგეს, რის შემდეგაც ნავთობსაცავში ხანძარი გაჩნდა.
„წინასწარი ინფორმაციით, ერთ-ერთი უპილოტო საფრენი აპარატის ნამსხვრევები ნავთობის საწყობის ტერიტორიაზე ჩამოვარდა. შედეგად, მოხდა საწვავის დაღვრა და საწვავის და საპოხი მასალების აალება" - აცხადებს სმოლენსკის ოლქის გუბერნატორი ვასილი ანოხინი.
ვრცელდება ხანძრის ამსახველი ვიდეოკადრებიც, რომლებიც სავარაუდოდ მოსახლეობის გადაღებულია.
