"2012 წელს საზოგადოება ელოდა რომ სისტემა გაჯანსაღდებოდა. დღეს მივიღეთ გაცილებით მახინჯი სისტემა, იმიტომ რომ ესენი არანაირ კანონზომიერებას არ ექვემდებარებიან. სახელმწიფო აქციეს "ბეზპრიძელად"
აცხადებს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილი უფროსი ირაკლი შაიშმელაშვილი "რადიო თავისუფლებასთან" ინტერვიუში. პოლიციის კაპიტანი, რომელმაც სამსახური 3 დეკემბერს პროტესტის ნიშნად დატოვა, შეერთებულ შტატებში სპეციალური პროტოკოლით იმყოფება.
