გერმანიის ქალაქ რიმბახში უცნობი კაცი ერთ-ერთი ბანკის ფილიალში შეიჭრა და სულ მცირე 1 ადამიანი მძევლად აიყვანა. ინფორმაციას ადგილობრივი მედია ავრცელებს.
თავდამსხმელი ქალს დანით ემუქრებოდა და გარკვეული დროის განმავლობაში ბანკის დატოვების საშუალებას არ აძლევდა.
ის ბანკში დილის 08:00 საათზე შეიჭრა. პოლიციამ ბანკის შენობა ალყაში მოაქცია და სპეცოპერაცია რამდენიმე საათის განმავლობაში გრძელდებოდა. ამასთან, ჯერჯერობით უცნობია თუ რა მოთხოვნები ჰქონდა თავდამსხმელს - ის პოლიციამ უკვე დააკავა.
