პოლიციას ამ დრომდე არ განუხორციელებია საგამოძიებო მოქმედებები, რაც აჩენს ეჭვს, რომ თავდასხმა წახალისებულია "ოცნების” ძალადობრივი ქმედებებით | "ძლიერი საქართველო"
გამოქვეყნდა:
დღეს, ვაჟა-ფშაველას გამზირზე "ძლიერი საქართველოს" წევრებზე თავდასხმას კოალიცია სპეციალური განცხადებით ეხმაურება, საიდანაც ირკვევა, რომ პოლიციას ამ დრომდე არ გაუტარებია საგამოძიებო მოქმედებები, არ ამოუღია ნივთმტკიცებად დანა, რომელიც ერთ-ერთ ტიტუშკას ჰქონდა და არ გამოუკითხავს დაზარალებული მხარე:
"თავდასხმა "ძლიერი საქართველოს" ერთ-ერთ ლიდერზე, საბა ბუაძეზე და საბურთალოს ორგანიზაციის ხელმძღვანელზე, რამაზ მანდარიაზე, პოლიტიკური დევნის და ანგარიშსწორების ტიპური მაგალითია და ადასტურებს, რომ ხელისუფლება ქვეყნის მართვას "ტიტუშკების" დახმარებით, ძალადობრივი მეთოდებით ცდილობს.
დღეს კოალიცია “ძლიერი საქართველოს” ერთ-ერთ ლიდერზე, საბა ბუაძეზე და საბურთალოს ორგანიზაციის ხელმძღვანელზე, რამაზ მანდარიაზე, რაიონულ ოფისთან დაუდგენელი პირების, ე.წ ტიტუშკების მიერ შეიარაღებული თავდასხმა განხორციელდა.
შენობიდან გამოსულ საბა ბუაძეს, რამაზ მანდარიას და ორგანიზაციის წევრებს ცივი იარაღით და ქვებით შეიარაღებული რამდენიმე ადამიანი დაესხა თავს. ადგილი ჰქონდა სიტყვიერ შეურაცხყოფასა სხეულის დაზიანების მცდელობას.
ადგილზე მისულ პოლიციას ამ დრომდე არანაირი საგამოძიებო მოქმედებები არ განუხორციელებია. ცივი იარაღი, რომელიც საბა ბუაძეზე თავდამსხმელს შემთხვევის ადგილზე დაუვარდა, პოლიციას არ ამოუღია/დაულუქია, როგორც სამხილი და დანაშაულის იარაღი. დანა ამ დრომდე "ძლიერი საქართველოს" საბურთალოს შტაბში ინახება. არ გამოკითხულა დაზარალებული მხარე, პარტიის წევრები, რომლებიც ასევე იყვნენ თავდამსხმელების სამიზნეები და თვითმხილველები. ამ დრომდე არ ამოღებულა გარე მეთვალყურეობის კამერები.
აქვე, აღვნიშნავთ, რომ თავდამსხმელების იდენტიფიცირება ტელეფონით გადაღებულ ვიდეომასალაში მარტივად შესაძლებელია.
შსს-ის გულგრილობა და უმოქმედობა აჩენს საფუძვლიან ეჭვს, რომ თავდასხმა წახალისებულია “ქართული ოცნების” ძალადობრივი ქმედებებით პოლიტიკური ოპონენტების მიმართ. ეს არის პოლიტიკური დევნის ტიპური მაგალითი.
ვაფრთხილებთ შინაგან საქმეთა სამინისტროს - ამ ფაქტის რეაგირების გარეშე დატოვება კიდევ ერთი სამხილი იქნება მათ წინააღმდეგ" ნათქვამია "ძლიერი საქართველოს" განცხადებაში.
განახლება: თავდასხმის ფაქტზე შსს-მ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
იხილეთ:
- საბა ბუაძესა და "ძლიერი საქართველოს" წევრებს თავს დაესხნენ;
- "ერთ-ერთისგან წართმეული დანა აქ არის" | საბა ბუაძე ტიტუშკებზე
