სანქცირებული ოლიგარქი ოფშორებიდან აქტივების საქართველოში გადმოტანას დაჩქარებული ტემპით ცდილობს | რა ქონება გადმოაფორმა ივანიშვილმა ქართულ კომპანიაზე
გამოქვეყნდა:
აშშ-ის მიერ სანქცირებული ბიძინა ივანიშვილი დაჩქარებული ტემპით ცდილობს ქონება ოფშორული ზონებიდან საქართველოში გადმოიტანოს.
ივანიშვილმა პანამურ ოფშორზე Limestone Finance International-ზე რეგისტრირებული კომპანიები ქართულ სააქციო საზოგადოება "ტერაზე" გადააფორმა. რომლის რეორგანიზაციაც 31 დეკემბერს განხორციელდა. სააქციო საზოგადოებად გარდაქმნამდე "ტერა" შეზღუდული პასუხისმგებლობის საზოგადოებას წარმოადგენდა, რომლის დირექტორიც პაატა სულაბერიძე, 100%-იანი წილის მფლობელი კი ბიძინა ივანიშვილი იყო. ამჯერად სააქციო საზოგადოების მმართველობის ორგანო სამეთვალყურეო საბჭოა, რომლის თავმჯდომარეც ნატო ხაინდრავაა, წევრები ნოე ქინქლაძე და კახა კობიაშვილი. დირექტორი კვლავ პაატა სულაბერიძე.
2024 წლის 31 დეკემბერს სს "ტერას" გადაუფორმდა შემდეგი აქტივები:
- შპს სანაპიროს ხედი - 4563 კვადრატული მეტრის მიწის ნაკვეთი და მასზე განთავსებული ნაგებობები აბასთუმანში;
- შპს ახალი კაპიტალი - 5656 კვადრატული მეტრის მიწის ნაკვეთი და მასზე განთავსებული ნაგებობა თბილისში ერეკლეს მოედანზე;
- შპს ინვესტ კაპიტალი - 2844 კვადფრატული მეტრის მიწის ნაკვეთი და მასზე განთავსებული ნაგებობა თბილისში თამარაშვილის ქუჩაზე;
- შპს ქართუ კონსალტინგი;
- შპს აბასთუმანი 2019 - ივანიშვილის რეზიდენცია აბასთუმანში, 1950 კვადრატული მეტრის მიწის ნაკვეთი;
- შპს ჯეოფერტ - 20,956 კვადრატული მეტრის მიწის ნაკვეთი კასპში.
