უკრაინაში ომის დასრულების ტრამპის გეგმა, შესაძლოა, მიუნხენის უსაფრთხოების კონფერენციაზე გასაჯაროვდეს | Bloomberg

მიუნხენის უსაფრთხოების კონფერენცია, შესაძლოა გარდამტეხი აღმოჩნდეს რუსეთ უკრაინის ომში. სავარაუდოდ სწორედ გერმანიაში იქნება წარდგენილი ამერიკის 47-ე პრეზიდენტის უკრაინაში ომის დასრულების გეგმა. ინფორმაციას კონფიდენციალურ წყაროზე დაყრდნობით Bloomberg ასაჯაროებს. ცნობილი ხდება რამდენიმე დეტალიც,  პროექტი კონფლიქტის პოტენციურ გაყინვას და ასევე, უკრაინისთვის უსაფრთხოების გარანტიების უზრუნველყოფას ითვალისწინებს, მაგრამ არ არის დაზუსტებული, თუ როგორი იქნება ეს გარანტიები.

გეგმას ამერიკის პრეზიდენტის სპეციალური წარმომადგენელი უკრაინასა და რუსეთის საკითხებში კიტ კელოგი წარადგენს. როგორც Bloomberg-ი წერს, აშშ-ის გეგმა დაფუძნებული იქნება „მშვიდობა ძალის მეშვეობით“ პრინციპზე.

3 თებერვალს, დონალდ ტრამპმა თეთრ სახლში ჟურნალისტებს განუცხადა, რომ სურს უკრაინამ, ფინანსური თუ სამხედრო დახმარების სანაცვლოდ, ამერიკა იშვიათი ელემენტებით (Rare Earth) მოამარაგოს.  უკრაინას აქვს ურანის, ტიტანის, გრაფიტისა და ბერილიუმის მარაგიც. საბადოების მოზრდილი ნაწილი ახლა რუსეთის მიერ ოკუპირებულ ტერიტორიაზეა. ლითიუმს ელექტრომობილების, მობილური ტელეფონებისა და სხვა ელექტროაპარატების წარმოებაში იყენებენ.

მიუნხენის უსაფრთხოების კონფერენცია 14-დან 16 თებერვლამდე გაიმართება.