დაკანონებული რეპრესიები | პროტესტის პერიოდში, ქართული სახელმწიფოს მიერ საკუთარი მოქალაქეებისთვის გამოწერილი ჯარიმების ოდენობამ უკვე ორ მილიონს გადააჭარბა
გამოქვეყნდა:
დრაკონული კანონების ახალი პაკეტის დასაწერად, განსახილველად და დასამტკიცებლად ოლიგარქიულ რეჟიმს სულ რაღაც 3 დღე დასჭირდა. სამი დღის თავზე კი პაკეტი არალეგიტიმური პრეზიდენტის ხელმოწერით უკვე სრულად ამოქმედდა.
დრო არ დაუკარგავს არც რეჟიმის მთავარ საყრდენს, ძალოვან უწყებას. სამოქალაქო აქტივისტების ნაწილს 5 000 ლარიანი ჯარიმა პირდაპირ სახლთან მიუტანა პოლიციამ, ისე რომ ამ ჯარიმების გამოწერაზე სასამართლოც კი აღარ მოცდა.
ცხადია, მოქალაქეებს სასამართლოში ჯარიმის გასაჩივრების ბერკეტი რჩებათ, მაგრამ მურუსიძის სტანდარტის სასამართლოში სიმართლის პოვნის მხოლოდ მიზერული შანსები არსებობს. ახალი რეპრესიული კანონები კი კონსტიტუციის მთელ რიგ მუხლებთან ერთად მოქალაქეების ფუნდამენტურ უფლებებსაც ლამის მთლიანად აუქმებს და ნათელს ხდის ივანიშვილის რეალურ მიზანს - ქვეყანაში დაამყაროს ტოტალური დიქტატურა.
