გამოკითხულთა 54,9% ამბობს, რომ "ქართული ოცნების" პოლიტიკა რუსეთის/რუსეთთან დაახლოებული ქვეყნების ინტერესების გატარებას ემსახურება | ISSA-ს კვლევა
გამოქვეყნდა:
"სოციალური კვლევისა და ანალიზის ინსტიტუტის" (ISSA) კვლევის მიხედვით, გამოკითხულთა უმრავლესობა, 54,9% ამბობს, რომ "ქართული ოცნების" პოლიტიკა რუსეთის/რუსეთთან დაახლოებული ქვეყნებს ინტერესების გატარებას ემსახურება.
კითხვაზე, როგორ დაახასიათებდით დღესდღეობით "ქართული ოცნების" საგარეო კურსს, პროცენტები ასე გადანაწილდა:
- 54,9% - "ქართული ოცნების" პოლიტიკა რუსეთის/რუსეთთან დაახლოებული ქვეყნების ინტერესების გატარებას ემსახურება
- 7.0% - "ქართული ოცნება" დგას დასავლეთთან და დასავლურ სტრუქტურებთან ინტეგრაციის გზაზე
- 30,1% - "ქართული ოცნება" ეწევა დაბალანსებულ საგარეო პოლიტიკას და კონკრეტულად არც ერთი ქვეყნის ინტერესებს არ ატარებს
- 0,6% - სხვა
- 7,0% არ ვიცი
- 0,4% უარი პასუხზე
კითხვაზე, რამდენად დამაჯერებელია თქვენთვის "დიფ სთეითის" და გლობალური ომის პარტიის ანტიქართული გავლენები, გამოკითხულები ასე პასუხობენ:
- 36,7% საერთოდ არ არის დამაჯერებელი
- 17,4% უფრო არ არის დამაჯერებელი, ვიდრე არის
- 12,5% უფრო დამაჯერებელია, ვიდრე არა
- 7,0% სავსებით დამაჯერებელია
- 25,3% არ ვიცი
- 0,9% უარი პასუხზე
გარდა ამისა, ევროკავშირში საქართველოს გაწევრიანებას მხარს უჭერს გამოკითხულთა 86,3%, NATO-ში - 74,25%.
რაც შეეხება აშშ-სთან სტრატეგიულ პარტნიორობას, კითხვაზე, როგორ შეაფასებდით იმას, რომ აშშ-მა შეაჩერა საქართველოსთან სტრატეგიული პარტნიორობა, გამოკითხულები ასე პასუხობენ:
- 41,5% ძალზე უარყოფითად
- 25,4% არც დადებითად, არც უარყოფითად
- 18,8% უფრო დადებითად, ვიდრე უარყოფითად
- 5,1% ძალზე დადებითად
- 2,7% არ ვიცი
- 6,3% უარი პასუხზე
კვლევა 2025 წლის 18-30 იანვარს "სოციალური კვლევისა და ანალიზის ინსტიტუტმა" ჩაატარა. გამოიკითხა 2 000 რესპოდენტი, პირისპირ ინტერვიუს მეთოდით. რესპონდენტები შეირჩნენ ოჯახებში შემთხვევითი წესით. კვლევის შედეგები უზრუნველყოფს ±2.2% შერჩევის ცდომილებას მთლიანი შერჩევისთვის, 95%-იანი სანდოობით.
