ზურაბიშვილი მიუნხენის კონფერენციაში მიიღებს მონაწილეობას და შეხვედრებს გამართავს ევროპის ლიდერებთან და აშშ-ს დელეგაციასთან
გამოქვეყნდა:
პრეზიდენტი ზურაბიშვილი 14 თებერვალს გერმანიის ფედერაციულ რესპუბლიკას ეწვევა და მიუნხენის უსაფრთხოების კონფერენციის მუშაობაში მიიღებს მონაწილეობას. როგორც მის პრესსამსახურში აცხადებენ, საქართველოს პრეზიდენტი უმაღლესი დონის ორმხრივ შეხვედრებს გამართავს ევროპის ლიდერებთან და აშშ-ს დელეგაციასთან.
"მიუნხენში დაგეგმილია შეხვედრები ევროკავშირისა და სხვა საერთაშორისო ორგანიზაციების ხელმძღვანელებთან.
საქართველოს პრეზიდენტი მონაწილეობას მიიღებს მიუნხენის კონფერენციის პანელურ დისკუსიებში: ,,საქართველო ყურადღების ცენტრში“ და ,,რუსეთის ჰიბრიდული ტაქტიკა“, სადაც ქვეყანაში არსებულ მდგომარეობასა და გამოწვევებზე ისაუბრებს.
პრეზიდენტი მიუნხენში ქართული დიასპორის წარმომადგენლებს შეხვდება." ნათქვამია ინფორმაციაში
