ამერიკული და რუსული დელეგაციების მოლაპარაკებები დასრულდა | ტრამპი-პუტინის შეხვედრის თარიღი უცნობი დარჩა
გამოქვეყნდა:
საუდის არაბეთის დედაქალაქ ერ-რიადში ამერიკულ და რუსულ დელეგაციებს შორის ოთხსაათნახევრიანი მოლაპარაკებები დასრულდა. თუმცა, ტრამპისა და პუტინის შეხვედრის თარიღი უცნობი დარჩა. როგორც მედია წერს, პუტინის თანაშემწე იური უშაკოვმა განაცხადა, რომ - "ძნელია ვლადიმერ პუტინისა და დონალდ ტრამპის შეხვედრის კონკრეტული თარიღის დასახელება". შესაბამისად, ეს შეხვედრა მომავალ კვირას სავარაუდოდ, არ გაიმართება.
უშაკოვის თქმით, "რუსეთისა და აშშ-ის დელეგაციას ჰქონდა ძალიან სერიოზული საუბარი ყველა საკითხზე", თუმცა, ჯერ კიდევ რთულია საუბარი მოსკოვისა და ვაშინგტონის პოზიციების დაახლოებაზე - „იყო ძალიან სერიოზული საუბარი ყველა იმ საკითხზე, რისი დაყენებაც გვინდოდა" - თქვა პუტინის წარმომადგენელმა.
მოლაპარაკებებში მონაწილეობდნენ აშშ-ის სახელმწიფო მდივანი მარკო რუბიო და რუსეთის საგარეო საქმეთა მინისტრი ლავროვი.
შეხვედრაზე არ იმყოფებოდა უკრაინული მხარე.
