სტარმერის განცხადებით, ბრიტანეთი და საფრანგეთი უკრაინასთან ცეცხლის შეწყვეტის გეგმაზე იმუშავებენ, რომელსაც აშშ-ს წარუდგენენ
გამოქვეყნდა:
დიდი ბრიტანეთის პრემიერმინისტრმა, კირ სტარმერმა თქვა, რომ ბრიტანეთი და საფრანგეთი უკრაინასთან ცეცხლის შეწყვეტის გეგმაზე იმუშავებენ, რომელსაც აშშ-ს წარუდგენენ.
პრემიერი ამბობს, რომ ინიციატივა უკრაინის, საფრანგეთისა და აშშ-ის პრეზიდენტებთან საუბრის შემდეგ გაჩნდა.
სტარმერი BBC-სთან ამბობს, რომ გეგმის შემუშავებაში, შესაძლოა, "რამდენიმე სხვა ქვეყანაც" ჩაერთოს. პრემიერის თქმით, ინიციატივა მნიშვნელოვანი წინგადადგმული ნაბიჯია ოვალურ კაბინეტში მომხდარი შემთხვევის შემდეგ.
"არავის სურს ეს კონფლიქტი გაგრძელდეს, მით უმეტეს, უკრაინელებს", - თქვა პრემეირმა.
მისი თქმით, სჯერა, რომ ტრამპი ასევე ერთგულია უკრაინაში გრძელვადიანი მშვიდობის.
