პირი, რომელიც "კრაბ კოფის" დამფუძნებლებს ფიზიკურად გაუსწორდა, დაკავებულია | შსს
გამოქვეყნდა:
"კრაბ კოფის" თანამშრომლებზე თავდამსხმელი დაკავებულია. ინფორმაცია "მთავარ არხს" შსს-ში დაუდასტურეს.
როგორც უწყებაში განგვიცხადეს, მომხდარ ფაქტზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
"თბილისში, ერთ-ერთ უბანში, "კრაბ კოფის" თანამშრომლებს კონფლიქტი მოუვიდათ მაღაზიაში მყოფ პირთან, რაც შემდგომში მაღაზიის გარეთ სიტყვიერ და ფიზიკურ დაპირისპირებაში გადაიზარდა", - აცხადებენ შსს-ში.
შეგახსენებთ, რომ გუშინ, "კრაბ კოფის" მეპატრონე, რომელიც აქციის მონაწილეებს უსასყიდლოდ უმასპინძლდება, წერდა, რომ მას და მის თანამშრომელს თავს დაესხნენ და ფიზიკურად გაუსწორდნენ.
