აშშ-ში ძლიერი შტორმისა და ტორნადოების შედეგად, ბოლო მონაცემებით, 34 ადამიანი დაიღუპა, 29 კი დაშავდა
გამოქვეყნდა:
აშშ-ში ძლიერი შტორმისა და ტორნადოების შედეგად, ბოლო მონაცემებით, 34 ადამიანი დაიღუპა, 29 კი დაშავდა. ინფორმაციას ადგილობრივი მედია ავრცელებს. დაშავებულთა და დაღუპულთა რიცხვი, შესაძლოა, შეიცვალოს.
სტიქიას მისურის, არკანზასის, ტეხასის, ოკლაჰომის, კანზასისა და მისისიპის შტატებში ებრძვიან. ქარიშხალმა ასობით ათასი აბონენტი ელექტროენერგიის გარეშე დატოვა.
ამინდისგან გამოწვეული საფრთხე, სავარაუდოდ, ორშაბათამდე შენარჩუნდება. ეროვნული მეტეოროლოგიური სამსახური აპირებს დაზიანებების დათვალიერებას და საბოლოო დასკვნის გაკეთებას მომხდარის შესახებ. ოფიციალური პირები ამბობენ, რომ ნანგრევების გატანის სამუშაოები გრძელდება და მალე დაიწყება ზარალის შეფასება.
