არალეგიტიმურმა პრეზიდენტმა, ყაველაშვილმა საკონსტიტუციოდან რუსულ კანონზე პრეზიდენტ ზურაბიშვილის სარჩელი გამოიწვია
გამოქვეყნდა:
არალეგიტიმურმა პრეზიდენტმა, მიხეილ ყაველაშვილმა საკონსტიტუციო სასამართლოდან რუსულ კანონზე პრეზიდენტ სალომე ზურაბიშვილის სარჩელი გამოიწვია. სარჩელი კანონის გაუქმებას ითხოვდა.
ყაველაშვილის პრესსამსახური წერს:
"კანონი ეფუძნება გამჭვირვალობასა და ანგარიშვალდებულებას, რაც ხელს უწყობს საქართველოს სახელმწიფოებრიობის უმთავრესი პრინციპის - სახელმწიფოს ეროვნული სუვერენიტეტის დაცვასა და ქვეყნის სტაბილურ განვითარებას.
კანონი ემსახურება საზოგადოების მაქსიმალურად ინფორმირებას უცხოური ძალის ინტერესების გამტარებელი ორგანიზაციების დაფინანსების წარმომავლობის შესახებ".
პრეზიდენტმა ზურაბიშვილმა სარჩელი 2024 წელს შეიტანა, ის კონსტიტუციის 78-ე მუხლის დარღვევაზე დაობდა. სასამართლომ სარჩელი ნაწილობრივ განსახილველად მიიღო.
