"მტკიცედ ვმუშაობთ გაფართოებაზე დასავლეთ ბალკანელ მეზობლებთან, უკრაინასთან და მოლდოვასთან" | ევროპული საბჭოს პრეზიდენტს საქართველო არ უხსენებია
გამოქვეყნდა:
ევროპული საბჭოს პრეზიდენტის განცხადებაში, სადაც ის ევროკავშირის გაფართოებაზე საუბრობს, საქართველო ნახსენები არაა. ანტონიო კოშტა ამ კუთხით ახსენებს უკრაინას, მოლდოვას, ბალკანეთის ქვეყნებს და ამბობს, რომ გაფართოება არის საუკეთესო გეოპოლიტიკური ინვესტიცია:
მტკიცედ ვმუშაობთ გაფართოებაზე ჩვენს დასავლეთ ბალკანელ მეზობლებთან, უკრაინასთან და მოლდოვასთან. გაფართოება არის საუკეთესო გეოპოლიტიკური ინვესტიცია, რომლის განხორციელებაც ევროკავშირს შეუძლია. ამიტომ ოთხ თვეში ორჯერ ვიყავი უკრაინაში. ამიტომ მარტის დასაწყისში მოლდოვას ვესტუმრე და წელს ორმხრივ სამიტს მოვიწვევთ. სწორედ ამიტომ, პირველი სამიტი, რომელსაც მე ვთავმჯდომარეობდი, იყო დასავლეთ ბალკანეთთან, რეგიონში, რომელსაც მაისში ვეწვევი." ამბობს ანტონიო კოშტა.
