Je suis Marine! [ „მე ვარ მარინი“] - წერს X-ზე უნგრეთის პრემიერმინისტრი ვიქტორ ორბანი და მარინ ლე პენს სოლიდარობას უცხადებს.
შეგახსენებთ, საფრანგეთის სასამართლომ ულტრამემარჯვენე მარინ ლე პენი ევროკავშირის სახსრების მითვისების საქმეში დამნაშავედ ცნო. მას 4 წლით თავისუფლების აღკვეთა მიესაჯა, თუმცა, ჯერჯერობით უცნობია, მოუწევს თუ არა სასჯელის ციხეში მოხდა. გარდა ამისა, 5 წლით აეკრძალა თანამდებობის დაკავება. შესაბამისად, ლე პენი 2027 წლის საპრეზიდენტო არჩევნებში მონაწილეობას ვერ მიიღებს.
