სტრატეგიულ პრობლემად მიგვაჩნია ადგილობრივი თვითმმართველობის არჩევნებში მონაწილეობაზე უარის შესახებ მკაფიო საერთო პოზიციის არარსებობა | "დროა"
გამოქვეყნდა:
სალომე ზურაბიშვილის ახალ ფორმატთან დაკავშირებით, პარტია "დროა" განცხადებას ავრცელებს, რომელშიც ნათქვამია, რომ საგარეო ურთიერთობებში, აქციებში ერთობლივი სტრატეგიით მოქმედებას მხარს უჭერენ, თუმცა ადგილობრივი თვითმმართველობის არჩევნებში მონაწილეობაზე უარის შესახებ მკაფიო საერთო პოზიციის არარსებობა, პრობლემად მიაჩნიათ:
"პროდასავლური პარტიების შეთანხმებული მუშაობა საქართველოს ეროვნული ინტერესების დასაცავად, პარტია “დროასთვის” ყოველთვის მნიშვნელოვანი იყო.
ჩვენ ვიყავით და ვართ საგარეო ურთიერთობებში ერთობლივი სტრატეგიით მოქმედების, პროტესტის ერთობლივად დაგეგმვის, არათუ მონაწილე, ხშირ შემთხვევაში ინიციატორი. ამ საკითხებზე კოორდინირებულ ძალისხმევას მომავალშიც დავუჭერთ მხარს.
სტრატეგიულ პრობლემად მიგვაჩნია ადგილობრივი თვითმმართველობის არჩევნებში მონაწილეობაზე უარის შესახებ მკაფიო საერთო პოზიციის არარსებობა. ჩვენ ვთვლით, რომ ადგილობრივი არჩევნების ბოიკოტი დღესვე, არის წინ გადადგმული დიდი ნაბიჯი ახალი საპარლამენტო არჩევნების მოსაპოვებლად და ივანიშვილის რეჟიმის საბოლოო დელეგიტიმაციისთვის.
ამ საკითხზე საერთო პოლიტიკური პოზიცია კი უმნიშვნელოვანესია პარტიებს შორის სტრატეგიული ერთიანობის ჩამოყალიბებისთვის.
პარტია დროა - კოალიცია ცვლილებისთვის" ნათქვამია განცხადებაში.
