სუს-ს ანრი ოხანაშვილი უხელმძღვანელებს, გრიგოლ ლილუაშვილი რეგიონული განვითარების "მინისტრის" პოსტს დაიკავებს, იუსტიციის "მინისტრი" კი პაატა სალია იქნება | საკადრო ცვლილებები ოლიგარქის მთავრობაში
გამოქვეყნდა:
ოლიგარქის პრემიერმინისტრის, ირაკლი კობახიძის განცხადებით, სახელმწიფო უსაფრთხოების სამსახურის უფროსს, გრიგოლ ლილუაშვილს თანამდებობაზე ყოფნის 6-წლიანი ვადა ოქტომბერში ეწურება, ამიტომ ის თანამდებობას ტოვებს.
კობახიძის თქმით, დამოუკიდებელ სამინისტროდ რეგიონული განვითარების სამინისტრო ჩამოყალიბდება, რასაც ლილუაშვილი უხელმძღვანელებს.
სახელმწიფო უსაფრთხოების სამსახურის "ხელმძღვანელად" ანრი ოხანაშვილი ინიშნება. ოლიგარქის პარლამენტი ოხანაშვილის დამტკიცებას კენჭს პარასკევს უყრის.
იუსტიციის არალეგიტიმური მინისტრი პაატა სალია იქნება.
ინფრასტრუქტურის "მინისტრის" თანამდებობაზე მუშაობას ირაკლი ქარსელაძე განაგრძობს.
