"არაფერი იყიდო, აჩვენე ვინაა უფროსი" | თურქეთში პროსახელისუფლებო ბიზნესების ბოიკოტი დაიწყო
გამოქვეყნდა:
თურქეთის სახალხო რესპუბლიკური პარტიის ლიდერმა ოზგურ ოზელი თურქეთის მოქალაქეებს 2 აპრილს ეკონომიკური ბოიკოტის მოწყობისკენ მოუწოდა. იმ ცნობილი ადამიანებისა და ეროვნული ბრენდების ბოიკოტირებისკენ მოწოდება, რომლებიც ოპოზიციის საპროტესტო აქციებს მხარს არ უჭერენ ოზგურ ოზელმა X-ზე გამოაქვეყნა, სადაც მან მოქალაქეებს ფაქტობრივად „ეკონომიკის პარალიზებისკენ“ მოუწოდა.
აქციას თურქეთის ბევრმა ცნობილმა სახემ დაუჭირა მხარი, მათ შორის არიან მსახიობები, ტელეწამყვანები, სპორტსმენები.
პარალელურად, სტამბოლის გენერალურმა პროკურატურამ დაიწყო გამოძიება ოპოზიციის მოწოდებებზე ბიზნესის ბოიკოტის შესახებ.
"სტამბულის გენერალურმა პროკურატურამ დაიწყო შიდა გამოძიება მედიასა და სოციალურ ქსელებში ბოიკოტის მოწოდების თაობაზე, რომლებიც მიზნად ისახავს მოსახლეობის გარკვეული ნაწილის ეკონომიკურ საქმიანობაში ჩართვის თავიდან აცილებას. გამოძიება ასევე დაიწყო ამ მოწოდებების გამავრცელებულ პირებზე", - აცხადებენ გენერალურ პროკურატურაში.
გამოძიება „სიძულვილისა და დისკრიმინაციის“ და „საზოგადოების სიძულვილისა და მტრობისკენ წაქეზების“ ბრალდებით მიმდინარეობს.
