"ცხადია, რომ ამ ცილისმწამებლური კამპანიის ერთ-ერთი მიზანია პოლიტიკური ოპონენტების გაშავება" | ჯაფარიძე საქალაქო სასამართლოში, მაგისტრი მოსამართლის წინაშე გამოიკითხა
გამოქვეყნდა:
"ძლიერი საქართველოს" ერთ-ერთი ლიდერი, ბადრი ჯაფარიძე თბილისის საქალაქო სასამართლოში, მაგისტრი მოსამართლის წინაშე გამოიკითხა. საქმე ეხება "ოცნების" პარლამენტის დროებითი საგამოძიებო კომისიის მიმართვის საფუძველზე დაწყებულ გამოძიებას
"ეს არის გაგრძელება დისკრედიტაციის კამპანიის, პროპაგანდისტული კამპანიის ჩვენს წინააღმდეგ... ამ ვითარებაში, როდესაც ყველა ინსტიტუცია მიტაცებული აქვს ბიძინა ივანიშვილს, მართლმსაჯულების სისტემის მიმართ მოლოდინი არ უნდა გქონდეს პოზიტიური, უკანონო გადაწყვეტილებას იღებს ეს სისტემა, ცხადია, რომ ამ ცილისმწამებლური კამპანიის ერთ-ერთი მიზანია პოლიტიკური ოპონენტების გაშავება..." - ამბობს ბადრი ჯაფარიძე გამოკითხვის დასრულების შემდეგ.
"ოცნების" პარლამენტის "საგამოძიებო კომისიამ", "გამოუცხადებლობის გამო", ბადრი ჯაფარიძის საქმე პროკურატურაში 26 მარტს გაგზავნა. სისხლის სამართლის კოდექსის თანახმად, კომისიის მოთხოვნის შეუსრულებლობა ითვალისწინებს ჯარიმას ან პატიმრობას ერთ წლამდე.
