სინდისის პატიმრების ოჯახის წევრები საზოგადოებრივ მოძრაობას ქმნიან. განცხადება მათ პარლამენტის წინ წაიკითხეს.
"ჩვენ, სინდისის პატიმრების მშობლები და ოჯახის წევრები ვქმნით საზოგადოებრივ მოძრაობას სინდისის პატიმრების თავისუფლებისთვის... დღეს ჩვენ ვიწყებთ ახალ წინააღმდეგობის მოძრაობას, რომელიც იქნება მტკიცე და შეუპოვარი. გთხოვთ შემოგვიერთდით", - აცხადებენ ისინი.
მათი თქმით, 8 აპრილს მემორიალთან შეიკრიბებიან და ღამეს გაათევენ.
რეჟიმის ტყვეების ოჯახის წევრების განცხადებით, მოთხოვნაა, ყველა უკანონოდ დაპატიმრებული გათავისუფლდეს და დაინიშნოს ახალი, თავისუფალი და სამართლიანი არჩევნები.
