ნატოს შტაბ-ბინაში უკრაინის საგარეო საქმეთა მინისტრი აშშ-ის სახელმწიფო მდივანს შეხვდა
გამოქვეყნდა:
უკრაინის საგარეო საქმეთა მინისტრი ანდრეი სიბიგა აშშ-ის სახელმწიფო მდივანს, მარკო რუბიოს შეხვდა. ინფორმაციას უკრაინის საგარეო უწყება ავრცელებს. სიბიგასა და რუბიოს საუბარი ბრიუსელში, ნატოს შტაბ-ბინაში შედგა:
"მე შევხვდი მარკო რუბიოს ნატოს შტაბ-ბინაში და დავადასტურე უკრაინის მტკიცე ერთგულება სამშვიდობო ძალისხმევისადმი. ჩვენ მივესალმებით აშშ-ს ხელმძღვანელობას ამ საკითხში. უკრაინა სრულად არის ერთგული მშვიდობის და გადადგა კონკრეტული, უპირობო ნაბიჯები მის მისაღწევად, ხოლო რუსეთი აგრძელებს გაჭიანურებას. მე ასევე ვაცნობე ჩემს კოლეგას რუსეთის მიერ ბოლო დროს ენერგეტიკული ზავის დარღვევის შესახებ." ნათქვამია საგარეო საქმეთა მინისტრის განცხადებაში.
ანდრეი სიბიგა აღნიშნავს, რომ რუბიოს დაუდასტურა უკრაინის ინტერესი ორმხრივად მომგებიანი საინვესტიციო თანამშრომლობის განვითარების აშშ-სთან, როგორც მყარი საფუძველი ორმხრივი პარტნიორობის გაღრმავებისთვის - "ჩვენ ასევე განვიხილეთ უკრაინულ-ამერიკული კონტაქტები" - ნათქვამია განცხადებაში.
