"ოცნების" პარლამენტმა სუს-ის უფროსის თანამდებობაზე ანრი ოხანაშვილი დაამტკიცა. ოხანაშვილის კანდიდატურას მხარი ოცნების 79 დეპუტატმა დაუჭირა. ანრი ოხანაშვილი თანამდებობას 6 წლის ვადით დაიკავებს. ამ პოსტზე მან გრიგოლ ლილუაშვილი შეცვალა, რომელსაც ოცნება ახალ უწყებას - რეგიონული განვითარების სამინისტროს უქმნის. თავად ანრი ოხანაშვილი რამდენიმე თვით ოცნების იუსტიციის მინისტრის პოსტს იკავებდა. იუსტიციის უწყებაში მას პაატა სალია ჩაანაცვლებს.
