უკრაინამ ოკუპირებული ტერიტორიებიდან, რუსეთიდან და ბელარუსიდან 45 მოქალაქე დაიბრუნა
გამოქვეყნდა:
უკრაინამ დროებით ოკუპირებული ტერიტორიიდან კიდევ 45 მოქალაქე დაიბრუნა - ინფორმაციას უკრაინის სახალხო დამცველი, დმიტრო ლუბინეცი ავრცელებს. მისივე ცნობით, უკრაინელები დაბრუნდნენ რუსეთისა და ბელარუსის ტერიტორიებიდანაც.
"ბევრი მათგანისთვის ეს გახდა ერთადერთი შესაძლებლობა, რათა თავიდან აიცილონ უფლებების და სამედიცინო დახმარების შეზღუდვა, ზეწოლა და საოკუპაციო ადმინისტრაციების მხრიდან მომდინარე საფრთხეები" - თქვა ლუბინეცმა.
მისივე თქმით, ევაკუირებულებს შორის ძირითადად შშმ პირები და მძიმე ავადმყოფები არიან. უკრაინაში დაბრუნებულების უმრავლესობა ასაკოვანია.
