უკრაინის პრეზიდენტმა მეორე ვადით უნდა იყაროს კენჭი - ამბობს ტელეკომპანია FREEDOM-ის ეთერში პრეზიდენტის აპარატის ხელმძღვანელის მრჩეველი, მიხაილო პოდოლიაკი. პოდოლიაკი განმარტავს, რატომ ფიქრობს ასე - "ის ღრმად არის ომში და ესმის, როგორ გამოვიდეს იქიდან. ჩემი პოზიცია უცვლელი რჩება - ზელენსკიმ მეორე ვადით უნდა იყაროს კენჭი", - ამბობს ის.
პოდოლიაკის თქმით, ზელენსკიმ უკვე დაამტკიცა თავისი ეფექტურობა საგარეო პოლიტიკაში და შეძლებს უზრუნველყოს პარტნიორების კონსოლიდაცია ომის შემდეგ ქვეყნის აღდგენისთვის - "მას აქვს გამარჯვების ყველა შანსი", - დასძინა პოდოლიაკმა.
ინფორმაციისთვის, 30 მარტს The Economist-მა გამოაქვეყნა სტატია, რომ არჩევნები უკრაინაში შესაძლოა ივლისში ჩატარდეს და პრეზიდენტმა ზელენსკიმ, სავარაუდოდ, უკვე მოიწვია ამ თემაზე შეხვედრა. პრეზიდენტის ადმინისტრაცია ინფორმაცია არ დაადასტურა. უკრაინის მმართველი ფრაქცია „ხალხის მსახურის“ თავმჯდომარემ დავით არახამიამ აღნიშნა, რომ მსგავს შეხვედრაში მონაწილეობა არ მიუღია და, რომ ასეთი შეხვედრა „საერთოდ არ შემდგარა“.
