"თეორიულად შესაძლებელია" | პესკოვი პუტინის უიტკოფთან შეხვედრის შემდეგ, ტრამპთან სატელეფონო საუბარს არ გამორიცხავს
გამოქვეყნდა:
კრემლის პრესსპიკერი, დმიტრი პესკოვი დონალდ ტრამპსა და ვლადიმერ პუტინს შორის სატელეფონო საუბარს არ გამორიცხავს. ინფორმაციას რუსული სახელისუფლებო მედია ავრცელებს.
პესკოვი ამბობს, რომ პუტინისა და აშშ-ის პრეზიდენტის წარმომადგენლის, სტივ უიტკოფის შეხვედრის შემდეგ, არსებობს თეორიული შესაძლებლობა, რომ პუტინი ტელეფონით ტრამპს გაესაუბროს.
"თეორიულად შესაძლებელია - ან კი, ან არა" , - თქვა პესკოვმა.
ცნობისთვის, რუსეთში პუტინისა და ტრამპის წარმომადგენლის სტივენ უიტკოფის შეხვედრა დაიწყო. მოლაპარაკებები სანქტ-პეტერბურგის საპრეზიდენტო ბიბლიოთეკაში, დახურულ კარს მიღმა მიმდინარეობს.
