„ქალბატონო თიკა, ეს რა დღეში ჩაგიგდია თავი"... | ანდრო ჭიჭინაძის მიმართვა თინათინ რუხაძეს და პასუხი კობახიძეს

ჩემი სოლიდარობა უღირსეულეს მეგობარს, დათო დოიაშვილს. დოი, ყველაფერი წინ არის - ნათქვამია მსახიობ ანდრო ჭიჭინაძის წერილში, რომელიც კულტურის სამინისტროსთან გამართულ აქციაზე მისმა კოლეგებმა წაიკითხეს.

ანდრო ჭიჭინაძე "ოცნების" კულტურის მინისტრს, თინათინ რუხაძესა და ირაკლი კობახიძესაც მიმართავს:

ქალბატონო თიკა, ეს რა დღეში ჩაგიგდიათ თავი?! სავარაუდოდ, ცოტა ისტორია გეცოდინებათ და შემთხვევით თქვენი გადაწყვეტილება რამეს ხომ არ გახსენებთ?! ისევ ჩვენი ისტორიიდან. 
დათო დოიაშვილი თავის სათქმელს ყველა სივრციდან იტყვის და ხალხი ამას დაელოდება, იმიტომ რომ მართალი ადამიანია, ნიჭიერი, ნამდვილი და ღირსეული. 
ისე, წესით ამ ყველაფრისთვის არ უნდა გეცალოთ.
გახსენებთ - გელათი გენგრევათ და ხუთი წელია ვერ გადახურეთ და მარტო თქვენი ბრალია რაც გელათს სჭირს. სვეტიცხოველში ტაშტების შეყუდების მეტს ჯერჯერობით ვერაფერს ვხედავთ. რისთვის გცალიათ? ცოტა მაინც უხერხულობა არ გაწუხებთ? კულტურის პოლიტიკაზე აღარ ვამბობ.  ჩემი სოლიდარობა უღირსეულეს მეგობარს დათო დოიაშვილს. დოი, ყველაფერი წინ არის. 
რაც შეეხება ირაკლი კობახიძის გუშინდელ ინტერვიუს, სადაც ყველაფერი იკადრა, ჯერ ჯგუფურ თავდასხმაში დამადანაშაულა, მერე პირადად ჩემს ოჯახს შეეხო, რომელიც ყველა მთავრობის წინააღმდეგ იბრძოდა, განსაკუთრებით წინა მთავრობის დროს. “ჩემო ირაკლი”, ის რაც გააკეთე,  კაცი ვინმე თუ გყავს გვერდზე, კითხე მაგ საქციელს რა ჰქვია და გეტყვიან. პირისპირ რომ აღმოჩნდები შეძლებ ჩემთვის იგივეს გამეორებას? არა მგონია, მაგრამ ვნახოთ. ეტყობა არ უსწავლებიათ ასე მოქცევა რომ არ შეიძლება, მაგრამ, იკუკუნა, სწავლა არასდროს არის გვიან, ხომ იცი?! 
ტყუილებზე და მაგაზე ცოტა მერე ვრცელ წერილს მოვამზადებ. გადაავლე თვალი, შეცდომაში არ იყო შეყვანილი, მაგრამ ხომ იცი ყველაფერი გამოსწორებადია. 
მე შანსს ყოველთვის ვიძლევი. ყოველთვის, ოჯახის შეურაცხყოფის გარდა.“ - წერს ჭიჭინაძე წერილში.შეგახსენებთ, "ოცნების" კულტურის მინისტრმა რუხაძემ გუშინ, 16 აპრილს დავით დოიაშვილი "ვასო აბაშიძის სახელობის თეატრის" ხელმძღვანელის თანამდებობიდან გაათავისუფლა.

დღეს მსახიობები სამინისტროსთან შეიკრიბნენ და რუხაძესთან შეხვედრა მოითხოვეს.