3 წელში რუსებმა უკრაინაში 600-ზე მეტი ეკლესია დააზიანეს ან გაანადგურეს; მოკლეს ან აწამეს 67 სასულიერო პირი
გამოქვეყნდა:
სრულმასშტაბიანი ომის სამი წლის განმავლობაში, რუსმა სამხედროებმა უკრაინაში 600-ზე მეტი ეკლესია დააზიანეს ან გაანადგურეს, მოკლეს ან აწამეს 67 მღვდელი - აღდგომის დღესასწაულთან დაკავშირებით, ამ ინფორმაციას უკრაინის პრეზიდენტი ავრცელებს:
"რუსული არმია ქრისტიანული ეკლესიებისა და მორწმუნეებისთვის ერთ-ერთი უდიდესი საფრთხეა. სრულმასშტაბიანი ომის წლების განმავლობაში, რუსმა ოკუპანტებმა 67 უკრაინელი მღვდელი, მოძღვარი და ბერი მოკლეს ან აწამეს. 640 რელიგიური ადგილი განადგურდა, რომელთა უმეტესობა ქრისტიანული იყო. მაგრამ ჩვენ ყველა მათგანს აღვადგენთ.
ისევე, როგორც რუსული ტყვეობიდან ვაბრუნებთ მღვდლებსა და მოძღვრებს, ისევე როგორც ყველაფერს ვაკეთებთ უკრაინული ქალაქებისა და სოფლების და იქ მცხოვრები ადამიანების სიცოცხლის დასაცავად - ჩვენ ასევე ვაბრუნებთ შანსს, ვირწმუნოთ, ვირწმუნოთ, რომ ბოროტება და განადგურება ვერ გაიმარჯვებს. მადლობა ყველას, ვინც გვეხმარება." წერს ვოლოდიმირ ზელენსკი.
